ილია ლომთათიძე დაიბადა თბილისში 2003 წელს,     7 წლის ასაკში  სწავლა დაიწყო მუსიკალურ სკოლაში, ფორტეპიანოს განხრით, 8 წლიდან  გახდა ფონდ - SOS Talents Foundation-ის   სტიპენდიანტი. მისი გალა კონცერტები საფრანგეთში და შვეიცარიაში  რამდენჯერმე  გადაიცა "MEZO TV" - სა და "TV 5" Monde- ზე.

ილია მიწვეული იყო რამოდენიმე  ფესტივალზე. მან მონაწილეობა მიიღო კაუნასის , ლუბლიანას , ანესის და ოვერ-სიურუაზის.ილია ყოველწლიურად იღებს მონაწილეობას საერთაშორისო ფესტივალში „ ბათუმის მუსიკალური ფესტივალი“  რომელიც დააარსა ცნობილმა პიანისტმა,  იუნესკოს მშვიდობის ელჩმა, ქ-მა ელისო ბოლქვაძემ.

ილიას ქონდა კონცერტები მოსკოვის დიდ საკონცერტო დარბაზში, ჰოლანდიის კონცერტდებაუს დარბაზში და ჟენევის გაეროს შტაბ-ბინაში.

ილია ლომთათიძეს სხვადასხვა კონკურსებში  მიღებული აქვს გრან პრი და პირველი ადგილი,  2015 წელს მონაწილეობდა საერთაშორისო საფორტეპიანო კონკურსში - "Astana Piano Passion”,სადაც  მოიპოვა პირველი პრიზი  და ყაზახეთის პრეზიდენტ  ნურსულთან ნაზარბაევის სპეციალური პრიზი.

ასტანის ოპერის საკონცერტო დარბაზში წარსდგა  სოლო პროგრამით.  ცნობილი პიანისტის, დენის მაცუევის მიწვევით მონაწილეობდა ფესტივალ „Crescendo“-ს საიუბილეო კონცერტებში სოჭში, ფსკოვში, მოსკოვში,  და ირკუტსკში  „ Звёзды на Байка́ле“.

ილია მონაწილეობდა ბათუმის საზაფხულო აკადემიაში „მისა“ 2017 დაარსებული პიანისტ შორენა ცინცაბაძის მიერ და გახდა ერთ-ერთი აქტიური მონაწილე „MISA“-ს კონცერტების სერიაში. 2018 წელს ილიას ქონდა კონცერტი ქ.ბაზელში, შვეიცარიაში, რომლის ორგანიატორიც გახლდათ მუსიკის საერთაშრისო საზაფხულო აკადემია “MISA”. ამ კონცრტის შემდეგ ის კვლავ მიწვეული იქნა შვეიცარიაში ლისტის კონცერტით #2 ბაზელის სიმფონიურ ორკესტრთან ერთად! ილია ლომთათიძე სწავლობს ევგენი მიქელაძის ცენტრალურ სამუსიკო სასწავლებელში პედაგოგ ნატალია ნაცვლიშვილთან.